Home » Моника Белучи и Тим Бартон прв пат заедно се појавија на црвениот тепих

Моника Белучи и Тим Бартон прв пат заедно се појавија на црвениот тепих

by Media24
229 views 1 minutes read

Двојката се појави на 18-тото издание на Римскиот филмски фестивал држејќи се за рака. Бартон ја поддржа Моника кога таа го претстави нејзиниот филм Diabolik chi sei? во Рим.

Тие се во врска една година. Се запознале пред 16 години, но медиумите пишуваат дека почнале да се забавуваат откако се сретнале на филмскиот фестивал Лумиер во Лион во октомври 2022 година. Моника беше почесен гостин на фестивалот, каде на 64-годишниот режисер му врачи награда за животно дело.

“Никогаш во целиот мој живот не сум почувствувал толку многу љубов како вечерва. Добре дојдовте на најдобриот погреб што сум го имал”, изјави Тим Бартон по примањето на наградата. Тие седеа заедно на доделувањето, а исто така се вели дека подоцна биле видени заедно на проекцијата на немиот филм на Луј Лумиер од 1895 година.

После тоа, тие беа снимени како страсно се бакнуваат на сред улица, а Моника и тогаш го држеше Тим за рака.

banner

58-годишната Белучи за прв пат проговори за врската со режисерот Тим ​​Бартон (64) во интервју за магазинот Elle France. “Мило ми е што го запознав. Тоа беше една од оние средби кои ретко се случуваат. Го сакам Тим и го почитувам”, откри тогаш познатата актерка.

Актерката се раздели од уметникот Николас Лефевр во 2019 година. Таа претходно беше во брак со Винсент Касел од 1997 до 2013 година. Тим беше во врска со актерката Хелена Бонам Картер (56) 13 години, но тие се разделија во 2014 година.

You may also like

@2023 – All Right Reserved. Developed by Media24.News